Monthly Archives: September, 2012

Ledakan yang Diduga Bom Depok

Ngeri juga ndelok berita neng tipi mambengi. Ono berita soal ledakan ning daerah Beji Depok, lan akeh sing ndugo ledakan kui mau asale soko rakitan bom. Wah aku dadi luweh ati-ati yen metu ko ngomah. Iso-iso aku keno periksa karo pak polisi amarga jenggotku sing mirip karo pelaku-pelaku teroris mbiyen-mbiyen.

Tak ceritakne wae yo ngopo aku dadi trauma karo berita-berita sing mambu terorisme ngene iki. Mbiyen pernah kedadean sing menurutku konyol banget, yoiku aku pernah beberapa kali dikiro sang aktor terorisme sing lagi merajalela ning indonesia. Aku pernah diperikso ning bandara soekarno hatta, bandara dominic eduard osok kota sorong, dicurigai di bandara rendani manokwari, dicurigai ning pasar baru jakarta pusat. Asem tenan ik, iku kabeh
mau asline menurutku kedadean paling konyol seng pernah tak alami.

Sing pertama pemeriksaanku oleh petugas bandara di bandara soekarno hatta. Kedadean iku pas aku nglebokne tas ransel ning alat scan sebelum masuk ruang chek in. Nah pas ransel wes mlebu alat scan, tak pikir kok suwe tenan ranselku ning njero. Bareng tak delok-delok petugase, ternyata wonge lagi mloroki tasku jarene ono barang sing mencurigakan ning tasku. Eh ditambah wonge ki mlirak mlirik arah jenggotku. Wah aku lagi paham, ning tasku kan ono batere laptop 2 batang cacahe. Mesti ndarai pemicu bom kui.

Nah pas tase metu ko alat scan mau, langsung deh diserbu karo petugas bandara. Diudal-udal ora nggenah. Dikeluarne kabeh barang-barangku tanpa etika. Kok iso tanpa etika? yo jelas no, mbokyo nek ngetokke barang ki alon-alon, aku yo ga bakal mlayu. Mosok dalemanku barang ditokne, asal ngetokne wae. Yo tengsin lah diriku. Pas wes ketemu barang sing dicurigai, dek e takon “ini apa??” dengan nada selidik lan penuh curiga. Tak jawab ae “batere laptop pak, pesenan dari temen saya di manokwari”.  Sontak bapake petugas mau nylimur-nylimur. Bak meh dadi pahlawan, malah senyam senyum kisinan. Aku nambahi nyang bapake “pak aku bukan teroris lho..”, bapake malah ketiwi-ketiwi tanpa merasa bersalah ngodal ngadul pakaianku termasuk dalemanku.

Wes cah semene sek postinganku dino iki. Kisahe teroris ning bandara sorong, manokwari dll tak terusne postingan selanjute.

Tugas Kuliah Nonton Film Eagle Eye

Aneh banget moco judul postingan iki. Tugas kuliah kok malah kon nonton film. Mayak-mayak yen judul film e nanggo boso indonesia koyo ayat-ayat cinta, di atas mihrab cinta utowo ketika cinta bertasbih (aku banget sing iki), lha iki kon nonton film Eagle Eye. Jare dosene sih film iki nyeritakke kemajuan neng bidang komputer, dadi kabeh jare biso dikendalikan karo komputer.

Pas kuliah kan diceritani masalah hacking-hacking ngono lah, utowo opo lah, aku rodo ora nggatekne hehe, maaf ya pak, nah bapake kui ngakon nonton film Eagle Eye kui mau nggo nambah pengetahuan, peh kemajuan teknologi kui wes adoh banget saiki. Sampai-sampai komputer kewalik sing mengendalikan menungso.

Ngomong-ngomong tugas iki, lumayan pas mulih nyang depok kan ono koneksi internet speedy, dadi pikirku lumayan cepet ki yen nggo download film kui mau. Searching-searching golek link film Eagle Eye mau, eh kok terbersit kelingan tugas liyane yoiku tugas gawe paper XML. Yo wes tak golekane tugas XML sek lah, sopo reti langsung nemu lan rampung.

Nah pas wes nemu link nggo tugas XML, pikirku wes aman lah tugas iki, selain link kui, mas ku yo nduwe buku tentang XML. Aman.. Iso nglanjutke golek-golek film Eagle Eye. Lha pas lagi golek-golek lha kok sekilas ketok gambar lan trailer film spiderman 4, haha ndelalah aku yo urung nonton, yo wes lah aku download sik spiderman 4 iki sek. Jan tobat tenan iki, kok dadri ora fokus ngene hehehe..

image

Wes lah, postingan dino iki semene sek. Selamat berakhir pekan. Aku meh nyang mburi sek, kebelet.

Minggu Pertama Ning Bandung Cepet Banget

Kuliah seminggu koyo ora kroso iki. Koyo-koyoke wingi lagi senen, eh iki wes jumat. Piye ora kroso cepet, lha wong kuliahe bolong-bolong koyo lanthing khas kebumen. Mosok kuliah mlebu jam 9 esuk, mulih kost jam 11. Wektu liyano yen ora sholat, madang (3x), yo turu alias micek boso kasare.

Nah dino jumat iki wektune mulih nyang Depok, tujuane arep njimuk klambi lan perkakas-perkakas liyane sing perlu. Maklum wingi pas mangkat mrene, gawanku mung sak ransel tok. Sitik banget nggo ukuran wong sing lagi arep dadi mahasiwa, eh salah mahasiswa maksudku. Lha ngopo kok mung sak ransel thok, kui wes tak perhitungke lah. Amarga sakdurunge nyang Bandung iki, aku durung oleh kost-kostan je.. Yen arep mubeng-mubeng ki koyoke repot banget yen nggawani koper, opo meneh koperku ora mung siji. Yo wes tak gowo ae sing perlu2 ae, klambi 4 setel, kathok dhowo 2 setel, daleman akeh, lan anduk ukuran 15 cm x 15 cm. Hehehe.

Sak tekane nang Bandung alhamdulillah ono sing mapak, yoiku mbak Erna, Ana, karo mas Banu (bojone Ana). Syukur banget ono sing mapak, niat soko ngomah sih pengen sak tekane Bandung langsung golek ojek trus mubeng-mubeng golek kostan, tp sajake angel yen ga ngerti ancer-ancer panggonan kost sing rame. Yo ono sing mapak mau, aku sidane diterke golek kost-kostan nganti sak nemune. Alhamdulillah maturnuwun banget karo Ana dan mas Banu, serta mbak Erna mugo-mugo dadi pahala nggo sampeyan kabeh, aamiin..

Wah iki mau jane meh nyritakke perjalananku nang sepur soko Bandung nyang Depok alias mulih perdanaku setelah kuliah seminggu. Yo wes lah,  ngono wae soale aku wes luwe meneh ki nang sepur, arep golek mangan pengene 🙂

Meuni Tiris Pisan Euy

Adem tenan rasane neng kene. Yo, neng kene, Bandung Jawa Barat. Iki aku lagi sekolah neng bandung ceritane. Itung-itung nambah ilmu to. Kesel lan bosen kerjo sing tak rasakne 4 tahun terakhir iki. Sopo sing ra bosen? 4 tahun kerjo ning perantauan, coba perantauane neng jakarta ngono penak, lha iki merantaune neng “negara papua” istilahe mbahku. Eh lha dhala entuk beasiswa ko BPS kon nglanjutke sekolah S2 neng ITB Bandung. Walhamdulillaah..

Nah judul postingan iki sing tak rasakne “wow” pertama kali neng kota iki, dudu panganane, dudu pemandangane, dudu wong2ane, tapi banyune kui lho.. ademe ora njamak tenan.. nah ning boso kene kan munine “meni tiris pisan euy”, sing artine adem buanget e.. hehehe

image

Sakmene sek postingan dino iki.