Category Archives: Jakarta

Sego Padang

Pirang-pirang ndino iki pengeluaran nggo tuku mangan wengi soyo nambah. Biasane sakdurunge poso wingi, mangan wengi cukup ke warteg (kiro-kiro 60 m soko kost) mbayar mung 10 ewu maksimal. Kui wae mangan wengi wes entuk sego, jangan pare, bandeng/ayam/telor+perkedel.

Lha saiki, piye ora arep mundak pengeluarane. Mangan bengi tuku sego padang terus, soale sing dodolan warteg ganti personel, dadi ga enak hehe. Gek nek sego padang ki yen ora ono mis-misane yo ora enak. Minimal yen sego padang ki lawuhe yo ayam digule. Hmm.. pancene enak tenan sih.. Tapi sing marai ga enak yo mbayare, yoiku 15 ewu sego padang standar lawuh ayam.. Durung yen arep nambah perkedel lan liyane..

Ojo diconto cah, ora apik.. kowe podo yen arep mangan wengi mending tuku sing murah-murah ae, sing penting sehat.. soale yen sego padang terus-terusan selain boros, nyang awak yo marai tambah subur, hehe..

Ojo banjir neh plisss…

Tahun wingi aku mulai kerjo ning Jakarta. Kota sing sering disebut metropolitan, metropolutan kali yo hehe, piss.. Alhamdulillah soyo nyedak keluargo, pulang kampung iso saben 2 minggu pisan. Wes setahun iki alhamdulillah aku manggon ning kramat pulo, daerah rivoli. Alhamdulillah enak, nyaman, strategis (cedak warung mangan), sandal apik ora aman hehe..

Sak suwene ning Jakarta selama setahun kepungkur, pisan aku ngrasakne kebanjiran. Pas lagi usum2e udan ning sasi Februari 2015. Kost2anku kebanjiran.. heh……!!! Walopun (boso jowone opo yo?) mung mrembes, banyune bening, tapi jenenge banjir ki yo tetep banjir. Siap2 masuk angin lah pokoke. Meh nduwe niatan pindah kost2an, tapi lagi arep golek, eh wes ga tau banjir meneh.. yo wes lah ga usah pindah, setahun sekali we…..

Mugo tahun iki ga banjir meneh yo.. Lha wong upoyo ngatasi banjir wes dilakoni karo pak Ahok. Mugo2 upayane tahun ini berhasil, Jakarta bebas banjir.